Matsaloli da cututtukan da mata kan fuskanta a lokacin jinin al'ada

 

MACE

A farkon wannan watan ne kasar Sifaniya ta soma shirin samar da wata doka da za ta bayar da hutu ga mata ma'aikata da ke faɗawa mawuyacin hali lokacin da suke jinin al'ada.

Daftarin dokar ya bayyana cewa za a iya bai wa mace hutun kwana uku a duk wata - kuma ana iya tsawaitawa zuwa kwana biyar a wasu lokuta.

Mene ne jinin al'ada?

Jinin al'ada shi ne fitowar jini daga mahaifar mace, hakan na faruwa ne sakamakon wasu sauye-sauye da mata kan fuskanta a kowanne wata ko kwanakin da ba su kai wata guda ba.

Dakta Zainab Dan-Yaya, likita a Federal Medical Centre a Jabi da ke Abuja babban birnin Najeriya, ta ce jinin na fitowa ne a lokacin da mace ta saki kwan haihuwa, wani yakan zama da idan lokacin daukar ciki ya yi ba kuma tare da mace tana amfani da wani nau'i na kayyade iyali ba.

Wasu matan kan fara ganin jinin al'ada daga shekaru 12 har zuwa 15, ya danganta da yanayin mace.

Sai dai Dr Zainab ta ce saboda sauyawar yanayi da zamani akan samu yara matan da kan fara jinin al'adar suna da shekara tara.

Ma'ana wasu kan fara da kankantar shekaru sai kuma ya dauke ba zai sake dawowa ba sai kuma bayan wasu shekaru, wasu da zarar sun fara shi ke nan zai ci gaba a haka har zuwa shekarun girma da yake daukewa baki daya tamkar mace ba ta taba yi ba.

Yawan kwanakin jinin al'ada ya kasu kashi daban-daban, wasu kan yi kwana huɗu, wasu mako guda, wasu kan yi har makonni biyu.

To amma da zarar wannan lokaci ya haura, ana bai wa mata shawarar zuwa asibiti domin ganin likita da tabbatar da cewa ba wata matsala ko lalura ce ta samu mace ba.

Wasu matan kan fuskanci matsananciyar rashin lafiya, a lokacin da za su fara jinin a karon farko, wasu kuma kan fuskanci matsanancin ciwo a kowanne wata, ko dai kwanaki biyu gabannin zubar jinin ko kuma idan su na tsaka da yi.

Kadan daga cikin matsalolin da wasu matan, kan fuskanta a lokacin da suke jinin al'ada:

• Wasu matan kan fuskanci matsancin ciwon baya, da ya kan janyo musu kasa zama sai kwanciya
• Sukan fuskanci ciwon gaɓɓai, hakan na saukar da kasala da rashin kuzari
• Matsanancin ciwon kai, da zazzabi, wasu matan kan haɗa da amai
• Wasu ma kan yi amai da gudawa, ko kuma gudawar gabanni da lokacin jinin al'ada ko kuma bayan sun kammala
• Wasu kuma lamarin kan zo musu da yawan bacci, duk inda suka samu sai kwanciya
• Akwai kuma matsancin ciwon mara da ta ke daurewa da hakan kan sanya mace durkushewa da matsa ciki da mara. Ba raggwantaka ba ce idan mace ta yi kuka a wannan yanayin tsananin ciwon kan haddasa takura
• Sannan wasu kuma za su dinga shiga yanayi na ƙunci da ɓacin rai ne ba gaira ba dalili, ko jin haushin na kusa da su
• Wasu kuma tashin zuciya da ɗan kwaɗayi-kwaɗayi suke fama da shi kamar irin na masu ciki.

Wasu matan kan fara ciwon kafin lokacin al'adar, da kuma lokacin da suke yi, wasu kuma sai sun kammala.

Akwai wasu nau'in matan da suke yin ciwon tun kafin su fara da tsakiyarsa har zuwa karshe.

Dakta Zainab ta ce wasu matan na danganta ciwon mara lokacin jinin al'ada da kuma ciwon nakuda, sakamakon yadda ko ina a jikinsu ke amsawa tun daga kugu da baya, da mara da kafa da dukkan gabban jiki.

Bayern na nazari kan Rashford, Arsenal ta kusa kammala cinikin Gyokeres

 

RASHFORD

Bayern Munich na duba yiwuwar ɗaukar ɗan wasan gaban Manchester United da Ingila Marcus Rashford, mai shekara 27, bayan ta yi amanna da hazaƙar da ya nuna a zaman aron da ya yi a Aston Villa a kakar da ta gabata. (Sun)

Arsenal na dab da ƙulla yarjejeniya da ɗan wasan gaba na Sporting Viktor Gyokeres. Ɗan ƙasar Sweden mai shekara 27 ya shaidawa kulob ɗinsa cewa yana son ya koma Gunners. (L'Equipe)

Crystal Palace ta cimma yarjejeniya kan farashin fam miliyan 47 don siyan Ousmane Diomande, mai shekara 21, daga Sporting, inda ake ganin ɗan wasan baya na Ivory Coast zai iya maye gurbin ɗan wasan Ingila Marc Guehi mai shekara 24 . (A Bola)

Manchester United ta tuntuɓi Inter Milan game da cinikin ɗan wasan Italiya Davide Frattesi, mai shekara 25. (Caught Offside)

Arsenal ta gabatar da tayi kan ɗan wasan Ingila Noni Madueke, mai shekara 23, wanda ake ganin wataƙila ya bar Chelsea a bazara. (Sky Germany)

Juventus na dab da ƙulla yarjejeniya da ɗan wasan gaban Canada Jonathan David, mai shekara 25, wanda kwantiraginsa da Lille ya ƙare a ƙarshen kakar wasan da ta gabata. (Fabrizio Romano)

Ɗan wasan Colombia Jhon Duran, mai shekara 22, ya tashi daga ƙasarsa zuwa Turkiyya domin kammala yarjejeniyar zaman aro daga Al-Nassr ta Saudiyya zuwa Fenerbahce. (Athletic)

AC Milan na fatan ɗaukar ɗan wasan tsakiyar Switzerland Ardon Jashari, mai shekara 22, daga Club Brugge kan farashin da ya kai kusan fam miliyan 30. (La Gazzetta dello Sport)

Newcastle na zawarcin ɗan wasan bayan Marseille da Argentina Leonardo Balerdi, mai shekara 26, wanda kuma ke jan hankalin Juventus. (Mail)

Burnley na ƙoƙarin farauto ɗan wasan gaba da kocinta Scott Parker ke buƙata, inda ta sanya ido kan ɗan wasan Genk da Najeriya Tolu Arokodare, mai shekara 24. (Telegraph)

Manchester City za ta ɗauki Caelan-Kole Cadmarteri mai shekara 15 daga Sheffield Wednesday a kan farashin fam miliyan 1.5. (Mail)

West Ham na ƙoƙarin shawo kan Slavia Prague don ta sallama ma ta da ɗan wasan bayan Senegal El Hadji Malick Diouf, mai shekara 20. (Guardian)

Arsenal ta dage kan zawarcin Rodrygo, Manchester United ta yi wa Sancho farashi

 

RODRIGO

Arsenal ta samu ƙwarin gwiwa kan zawarcin da ta ke yi wa ɗan wasan gaban Brazil, Rodrygo, wanda ba shi da tabbacin samun gurbi a tawagar farko ta Real Madrid ƙarƙashin sabon koci Xabi Alonso. (Mirror)

Manchester United na neman aƙalla fam miliyan 25 kan Jadon Sancho, mai shekara 25, yayin da Juventus ke ci gaba da zawarcin ɗan wasan na Ingila. (Corriere dello Sport)

Sancho ya shirya rage albashin sa don komawa ƙungiyar da ta lashe gasar Serie A sau 36. (Eurosport Italia)

Atletico Madrid a shirye take ta yi duk mai yiwuwa don siyan ɗan wasan bayan Tottenham da Argentina Cristian Romero, mai shekara 27, inda ta ke da niyyar biyan fam miliyan 61 kan ɗan wasan. (AS)

West Ham ta yi watsi da tayin fam miliyan 50 daga Tottenham kan ɗan wasan gaban Ghana Mohammed Kudus, mai shekara 24. (Talksport